《深宮計》康華為親情甘願放棄愛情!勞心勞力照顧患病雙親,有自理能力的女人,單身也可以很快樂~

《深宮計》康華為親情甘願放棄愛情!勞心勞力照顧患病雙親,有自理能力的女人,單身也可以很快樂~

By POP-OL on 12 Jun 2018

喺《宮心計2深宮計》入面飾演「南宮司設」嘅康華(Akina),劇中溫文爾雅,佻皮可愛,但現實卻是一名「女漢子」,生活上嘅磨練,令勤奮又孝順嘅佢,擁有一股獨有嘅女性魅力。為咗照顧體弱多病嘅父母,佢慳到將拍劇時未食完嘅飯盒留起當下一餐,甚至甘願放棄感情生活,試問又係唔係每個人都做得到呢?

康華Akina@Weibo
Photo from 康華[email protected]


康華話過《宮心計2深宮計》入面「南宮司設」性格就好似佢一樣有規有矩,感情豐富但就將感情收藏,好清楚自己想要啲咩。現實中嘅佢,最清楚自己需要陪伴體弱多病嘅父母,康華認為人生唔同階段,就要作出唔同取捨,旁人可能會唔明白佢點解唔趁宜家勢頭好多留在內地拍劇、賺多些錢,覺得我浪費了機會。但我深知若不好好珍惜與父母相處,日後定後悔,就算得到所有名利也沒意思。」

康華Akina@Weibo
Photo from 康華[email protected]

康華嘅媽媽患有心臟病,父親眼睛中風,曾經做過「通波仔」手術,為咗慳錢,佢有時拍劇會將未食完嘅飯盒留起當下一餐,或者會拎多個飯盒。雖然醫藥費好貴,但康華覺得錢財只係身外物,父母係佢嘅精神支柱、工作嘅動力。

康華Akina@Weibo
Photo from 康華[email protected]

「他們令我工作如何辛勞都覺得有價值、有滿足感。生存不是為了飲飲食食,況且我一向甚少娛樂,照顧家人就是快樂,辛苦搵錢也是想給父母有好的環境居住,令家人生活愈好、健康愈好,我就最開心。」

康華Akina@Weibo
Photo from 康華[email protected]

為咗照顧家人,康華除咗搏命賺錢,佢仲將感情生活擺到好後,直到宜家佢仍然單身。佢覺得感情要隨緣,唔可以強求,要強求緣份就唔係真正嘅緣份。 除非可以搵到一個同佢一樣有孝心,可以一齊照顧家人,又相處得舒服自在嘅伴侶,否則佢都唔需要:「我既有自理能力,經濟又獨立,一個生活也很幸福。」

康華Akina@Weibo
Photo from 康華[email protected]

雖然身邊不乏追求者,不過大部份年紀都細過佢,想一直專注事業同家庭嘅康華,選擇放棄愛情,即使感情世界暫時都係空白,但佢仍然活得好精彩有意義。

康華Akina@Weibo
Photo from 康華[email protected]

Text: POP-OL Editorial

Photo Source: Pinterest

Share to Facebook