你有提前衰老的跡象嗎!?8條題目立即測出你的「身體年齡」,比實際年齡老的話就要多保養啦!

你有提前衰老的跡象嗎!?8條題目立即測出你的「身體年齡」,比實際年齡老的話就要多保養啦!

By POP-OL on 05 Jun 2018

二十幾歲已經開始覺得自己有衰老嘅感覺?原來記憶力變差、行樓梯會氣喘、皮膚缺乏彈性等等,都可能代表住你嘅「身體年齡」比你嘅實際年齡大!今次我地可以試下透過幾個簡單嘅測試法,弓解自己嘅健康狀況,一齊嚟睇睇啦~

先記下你嘅真實年齡,然後進行以下8個測試,完成後就會得出「身體年齡」:

1. 大腦測試

以7為相隔,由100開始不斷減7「 100、93、86......」,默唸數字,直至數到零為止。

標準: 一般40歲以下嘅人,所用時間都唔會超過20秒;而40至60歲就唔會超過40秒。如果你所花嘅時間係少於以上數字,咁你嘅身體年齡就係「實際年齡 - 2歲」,超過就係「實際年齡 + 2歲」。

Pinterest
Photo from Pinterest

2. 皮膚測試

將手掌平放喺枱面,另一隻手用力捏手背上嘅皮膚,維持1分鐘之後放開,觀察一下皮膚恢復正常顏色需要用幾多時間。
標準: 如耗時不超過1秒,即「實際年齡 - 3歲」;花1至2秒就唔洗加減;花3至4秒就係「實際年齡 + 3歲」;花5至10秒「實際年齡 + 2歲」;11至30秒「實際年齡 + 3歲」。

Pinterest
Photo from Pinterest

3. 肌肉測試

單腳企,另一隻腳喺膝頭屈起彎向臀部,雙手㩒住臀部上方,合埋眼,計下身體要幾耐先會失平衡。
標準: 如果可以維持到1分鐘就「實際年齡 - 4歲」;如果保持30秒「實際年齡 - 2歲」;只可以堅持到幾秒嘅人就「實際年齡 + 3歲」。

Pinterest
Photo from Pinterest

4. 眼睛測試

將一把尺嘅其中一面垂直觸碰眼睛下方顴骨,手拎一份報紙沿尺慢慢往眼睛方向移動,當報紙上面嘅字慢慢變模糊,就請旁人睇睇尺上面嘅刻度。

標準: 如果距離小於15cm,身體年齡就同實際年齡一樣;16至30cm嘅話,身體年齡就係「實際年齡 + 1歲」;30至60cm就係「實際年齡 + 2歲」;60至90cm就係「實際年齡 + 3歲」;如果你超過90cm,就係「實際年齡 + 4歲」。

Pinterest
Photo from Pinterest

5. 肺部測試

拿一個一般size嘅氣球同埋一把30cm嘅尺,深吸一口氣,然後將所有氣吹入氣球,用尺去量氣球嘅寬度。
標準: 如果寬度係11cm以下就「實際年齡 + 5歲」;11至14cm「實際年齡 + 4歲」;15至18cm「實際年齡 + 1歲」;如果超過18cm「實際年齡 - 3歲」。

Pinterest
Photo from Pinterest

6. 聽力測試

聽電台嘅時候,將音量較到平常四份一。
標準: 聽唔清楚的話「實際年齡 + 5歲」;只係聽到背景音樂或者某啲字句,則「實際年齡 + 3歲」;基本上都聽得到內容「實際年齡 + 1歲」;聽得非常清楚「實際年齡 - 2歲」。

Pinterest
Photo from Pinterest

7. 牙齒測試

你可以透過檢視口臭同埋牙齦流血去測出身體嘅年齡。
標準: 牙齦出血「實際年齡 + 4歲」;口臭「實際年齡 + 1歲」。無呢啲方面嘅問題就正常。

Pinterest
Photo from Pinterest

8. 心臟測試

身體脂肪嘅分布比例可以預測出心臟健康,而方法就係量度最大臀圍以及最細腰圍,然後計算出最細腰圍同埋最大臀圍比例。
標準: 比值小過0.7嘅人「實際年齡 - 1歲」;介於0.85至1之間「實際年齡 + 3歲」;超過1就「實際年齡 + 5歲」。

Pinterest
Photo from Pinterest

經過計算之後,你地得出嘅身體年齡結果如何呢?如果數值低於你嘅實際年齡,就要恭喜你啦!但如果高過實際年齡,就即係你未老先衰,快啲努力保養下身體啦!

Text: POP-OL Editorial
Photo Source: Pinterest

Share to Facebook