旅客一定要注意!最常見的5種泰國騙案手法,出門旅遊一不小心會被騙財,及危害到人身安全~!

旅客一定要注意!最常見的5種泰國騙案手法,出門旅遊一不小心會被騙財,及危害到人身安全~!

By POP-OL on 27 Apr 2018

泰國消費低,少少錢就可以享受到旅行嘅樂趣,而且又近香港,需要嘅旅費比較少,所以成為香港人最鐘意嘅旅遊國家之一。不過近年來,成日都會聽講有人喺泰國旅行嘅時候遇上騙案,出外旅遊開開心心,無人會想損失財物,甚至危害到人身安全,所以大家一定要多加注意,提防各種危險,今次小編就話比大家知5種泰國最常見嘅騙案手法,一定要多加留意啦!

Pinterest
Photo from Pinterest

1 .大皇宮外的「餵鴿子騙局」

曼谷大皇宮係旅客嘅熱門景點,皇宮外面成日會有一大群鴿,旅客尤其係小朋友成日見到一大群鴿都會走過去影相同埋望下。呢個時候,附近嘅小販就會笑笑口走埋嚟拎飼料比你餵鴿,好多人會以為佢地係飼養員想同遊客互動,但當你一接過飼料嘅一刻,你就墜入騙局啦!

Pinterest
Photo from Pinterest

唔理你有無餵鴿,小販都會向你收好貴嘅飼料費,你想走都走唔甩!所以記得喺街到千其唔好亂拎陌生人比你嘅野呀!

Pinterest
Photo from Pinterest

2 .裝好心的「篤篤車騙子」

泰國嘅主要交通工具除咗的士,大概就係篤篤車,當你話比篤篤車司機去邊個景點嘅時候,佢地可能會扮好心同你講今天因為內部裝修等等假嘅原因去呃你景點今日唔開門。呢個時候遊客通常都會慌亂唔知點算好,佢地就會趁機話比旅客知有另外1間寺廟,咁啱有位高僧喺嗰到幫人祈福,可以載你過去,而且強調只收你50或者100泰銖車錢。

Pinterest
Photo from Pinterest

當你以為出門遇貴人而上車,其實你分分鐘就上咗架「賊車」。因為通常呢啲篤篤車司機都同所謂「高僧」或者珠寶店家係同夥,佢地會載你去所謂高僧寺廟,然後喺你接受高僧「祈福」唔注意嘅時候,偷你銀包同埋電話~

Pinterest
Photo from Pinterest

又或者載你去某個「美術館」,其實係賣一堆劣質品嘅禮品珠寶店,然後你會被買幾千甚至成萬蚊嘅垃圾離開。所以唔好亂上篤篤車,最好係搭的士,保障自己最好做好準備,查清楚各個景點嘅開放時間,以防受騙。

Pinterest
Photo from Pinterest

3 . 水上活動騙案

去泰國度假好多時都會玩水上活動,就好似快艇、水上電單車、香蕉船等都係要收費嘅項目。有啲店家會喺你歸還水上電單車嘅時候,誣告你整花咗佢地嘅電單車,會要求遊客賠償幾千至幾萬蚊。

Pinterest
Photo from Pinterest

萬一不幸遇上以上情況,就要搵警察幫手,或者請可靠嘅導遊幫你搵一間值得信賴嘅船家,再由導遊幫你同船家交涉同埋付款。又或者可以叫船家派一位工作人員坐喺後座帶住你騎,咁樣就算出事,都唔係你嘅問題。

Pinterest
Photo from Pinterest

4 .利用遊客同情心的偷竊手法

喺街到有小朋友捧住1大束玫瑰花叫你買,就要小心係騙案,因為就算你已經耍手擰頭拒絕佢地,佢地都會越靠越近,不停叫你買。當你想離開嘅時候,一定要捉實你嘅手袋、銀包、貴重物品!因為有案例係賣花小朋友會用玫瑰花擋住旅客嘅視線,另一隻手伸近你個袋偷銀包!千其唔好因為對方係小朋友而鬆懈,一定要多加提防!

Pinterest
Photo from Pinterest

5 .按摩店騙案

喺觀光熱點嘅大街小巷,好易遇上騙子!佢地會自稱係按摩店嘅經理,因為今天人客少,所以要自己出嚟拉生意,仲話會比特別優惠你。平時可能一個人一粒鐘500泰銖,今日一個一個鐘250泰銖,然後去到按摩店門口又說要先付款,如果你真係比錢,就會白白損失500泰銖!

Pinterest
Photo from Pinterest

因為嗰啲騙子根本唔係按摩店經理,當你享受完按摩之後,真正嘅老闆先會向你收費。所以應要揀一啲比較出名,有具規模嘅按摩店,同埋唔好理隨便同你搭訕嘅陌生人,就算要先付款,都要入到店嘅櫃枱先比。

Pinterest
Photo from Pinterest

Text: POP-OL Editorial

Photo Source: Pinterest

Share to Facebook