讓你可以在今個夏天盡情show美腿!5招蘿蔔腳問題,還小腿最靚的條線,以後不用再遮遮掩掩!

讓你可以在今個夏天盡情show美腿!5招蘿蔔腳問題,還小腿最靚的條線,以後不用再遮遮掩掩!

By POP-OL on 13 Apr 2018

雖然話身上嘅肥肉可以靠著衫去掩飾,但小腿就要靠著長褲或者長裙去遮掩, 搞到好多衫褲都唔著得~夏天就快來到,想著短裙短褲去騷下美腿,不如學下以下6招,幫大家輕鬆瘦小腿啦!

Pinterest
Photo from Pinterest

Pinterest
Photo from Pinterest


第一招:按摩小腿肚
坐得耐、企得耐、缺乏運動等因素,都會令小腿浮腫,小腿腫的話睇落就會粗,所以建議可以每日浸腳,邊浸嘅同時邊用雙手由下往上咁按摩,記住按摩嘅時候一定要按到肌肉,等肌肉可以放鬆,要feel得到力度,只要唔好按到痛或者不能接受嘅力度就可以,每日持續按摩可以促進循環,有效地改善浮腫問題。

Pinterest
Photo from Pinterest

第二招:站姿伸展
呢個係最簡單、易做嘅小腿伸展動作,利用兩級樓梯去伸展小腿,又或者可以喺屋企到墊幾本書去伸展肌肉,得閒嘅時候時或者覺得小腿肌肉好緊嘅時候都可以做下呢個動作!

Pinterest
Photo from Pinterest

第三招:毛巾伸展
毛巾都係好幫手,想更加有效就可以利用毛巾去加強阻力,將毛巾放喺腳底腳掌向後伸展,呢個時候感覺小腿肌有被拉到就代表做啱啦,建議每晚都可以做,尤其係著高跟鞋、成日企喺到、要不停行路嘅日子。

Pinterest
Photo from Pinterest

第四招:弓箭步拉筋伸展
弓箭步我諗每個人都識得做,唔好睇小呢個動作,雖然簡單但可以有效地伸展到小腿肌肉,平時一得閒就可以做,記得左右腳都要做!

Pinterest
Photo from Pinterest

第五招:滾筒鬆開結實肌肉
拉筋伸展可以令肌肉拉長,但肌肉結實嘅地方係無辦法靠拉筋去鬆開嘅,呢個時候就可以用滾筒做局部按壓、將結實嘅肌肉鬆開,肌肉鬆開自然就會恢復原本嘅長度,對修出線條好有幫助。

Pinterest
Photo from Pinterest

將滾筒放喺小腿肚下面,前後左右細範圍滾動,當搵到緊繃、酸痛點之後就停留30秒,feel到酸痛係正常嘅,但記得一個部位唔要做超過3分鐘,過度反而會受傷,造成組織發炎。

Pinterest
Photo from Pinterest

第六招:睡前抬腿
有時小腿粗係因為水腫,尤其大多數女仔都係水腫體質,建議瞓之前可以抬下腿,令血液回流、減少腫脹問題,長期對腿部線條同埋水腫都會有明顯改善,最後要提醒大家記得唔好抬太耐,如果腳開始發麻就表示太耐, 一般15分鐘就係最好,不過都要視乎每個人嘅狀況而定略有不同!

Pinterest
Photo from Pinterest

Pinterest
Photo from Pinterest

Text:POP-OL Editorial

Photo Source:

Share to Facebook