學范冰冰不停敷面膜,皮膚就會變美?破解女星們的荒謬美容方法,這些方法可能會令你爛面!

學范冰冰不停敷面膜,皮膚就會變美?破解女星們的荒謬美容方法,這些方法可能會令你爛面!

By POP-OL on 09 Apr 2018

成日見女星皮膚好好,就想跟佢地嘅方法去護膚?唔好以為呢啲方法一定work,可能最後得不償失,搞到爛面就真係後悔都無用啦!今次就一齊睇下以下幾位女星嘅獨特護膚方式,佢地嘅方法你又敢唔敢試呢?

劉亦菲 - 自製氣泡水洗臉

氣質女神劉亦菲一向擁有一張清透嘅臉蛋,加上嫩白透亮嘅肌膚,大家對於佢嘅保養方法都非常好奇!而早前佢就喺自己嘅微博上面分享咗用「自製氣泡水」洗臉。將塊臉浸落一盆水入面,再用個嘴喺水入面吐出空氣,以製造氣泡,去達到美膚嘅效果!

劉亦菲@Weibo
Photo from 劉亦菲@Weibo

解說:用氣泡水洗臉的確係可以幫助促進肌膚血液循環,有效收毛孔,好多韓國女星都係氣泡水美容嘅愛好者,不過所講緊嘅氣泡水,係指將二氧化碳打入去嘅碳酸氣泡水,而唔係好似劉亦菲咁用個嘴吹氣嘅氣泡水,效果會差好遠嫁!

劉亦菲@Weibo
Photo from 劉亦菲@Weibo

范冰冰 - 無時無刻敷面膜

范冰冰喺大家心目中係一個保養大王,佢嘅肌膚又白,又透,又亮,而佢最為人熟悉嘅護膚方法,就係無論何時何地,只要一有時間就會敷面膜,仲曾經號稱一年用咗超過700塊面膜,最後先可以維持咁完美嘅肌膚狀況。

范冰冰@Weibo
Photo from 范冰冰@Weibo

解說:敷面膜對於肌膚會帶來一定好處,但係每個人要根據自己肌膚狀況去決定係唔係適合敷面膜。敷面膜之前都要先做好潔臉程序,否則精華喺無辦法被吸收到肌膚底層。另外一般面膜多多少少都有添加防腐劑,一日敷超過三塊面膜,對肌膚負擔會太重,嚴重仲可能會引起過敏!

范冰冰@Weibo
Photo from 范冰冰@Weibo

小S - 一日搽50幾次睫毛增長液

每個女仔都想擁有濃密睫毛,而小S成日喺社交平台上曬自己嘅素顏相,佢同一般女生一樣,除咗肌膚之外,對於眉毛同睫毛濃密度都相當重視,更加曾經分享過自己將每日只需早晚塗一次嘅睫毛增長液,瘋狂地喺一日之內搽咗50次,一醒起就搽,結果搞到對睛發炎。

小S@Weibo
Photo from 小[email protected] 

解說:一般嘅睫毛增長液,為咗可以幫助睫毛生長,成分都會含有些微藥性,所以一定要遵照指示使用。搽嘅時候,都唔可以咁貪心,要適可而止,同埋唔好掂到隻眼,如果唔係就可能會造成刺激。

小S@Weibo
Photo from 小[email protected]

Scarlett Johansson - 用蘋果醋取代化妝水

荷里活女星Scarlett Johansson,有自己一套護膚方法,佢曾經分享:「我曾研究過天然嘅方式,發現蘋果醋對於肌膚功效真係好好,尤其係針對減少粉刺,我宜家都將蘋果醋用嚟取代化妝水,可以感覺到肌膚變得好細緻。」

Pinterest
Photo from Pinterest

破解:蘋果醋入面有大量維他命抗氧化劑,可以促進肌膚代謝,淡化黑色素同埋育膚色暗沉,去除老化角質等功效。但裡面亦都含有酸性物質,如果日日用會破壞肌膚角質層,令肌膚變得脆弱,尤其碼本就敏感肌嘅女仔,就千萬要小心!

Pinterest
Photo from Pinterest

Victoria Beckham - 鳥糞敷臉

碧咸嫂Victoria Beckham絕對係荷里活嘅凍齡女王,即使已經係四個細路嘅媽咪,但都完全無變過,肌膚狀況仍然咁好,而佢嘅護膚秘招竟然係用鳥糞敷臉!將日本九州島嘅夜鶯鳥糞加上米糠同埋水,塗喺臉上,就可以達到換膚同埋緊緻嘅功效,令肌膚可以維持少女一樣嘅緊緻度。

Pinterest
Photo from Pinterest

解說:呢個鳥糞敷臉嘅秘招,係嚟自英國一間水療中心嘅防皺療程,如果想體驗必須先作洽詢,千萬唔好自製鳥糞敷臉,以免傷害肌膚。

Pinterest
Photo from Pinterest

Text: POP-OL Editorial

Photo Source: Pinterest, Weibo

Share to Facebook