戴隱形眼鏡 5 大每個人都會犯的錯!長期這樣做會慢慢傷害你的眼角膜,甚至會導致失明~千萬要注意!

戴隱形眼鏡 5 大每個人都會犯的錯!長期這樣做會慢慢傷害你的眼角膜,甚至會導致失明~千萬要注意!

By POP-OL on 14 Mar 2018

你有無戴隱形眼鏡嘅習慣?以前大家可能會因為唔想戴眼鏡而用隱形眼鏡,但宜家即使無視力問題,好多人都會戴大眼con或者color con。不過你係唔係真正了解隱形眼鏡正確戴法呢?如果錯誤配戴,嚴重會導致眼角膜破損、結膜發炎,甚至陷入失明危機 。

Pinterest
Photo from Pinterest

Pinterest
Photo from Pinterest

1. 每日配戴 8 小時最佳

隱形眼鏡最好唔好戴超過 8 小時, 戴太長時間可能會令角膜血管增生 ,尤其係一啲長期留喺冷氣房嘅人,好易會因為空氣太乾燥,以致淚液分泌減少,影響隱形眼鏡嘅透氧度,角膜新生嘅血管同隱形眼鏡摩擦, 就會導致血管破裂,嚴重嘅話仲可能會令角膜混濁而失明 !

Pinterest
Photo from Pinterest

Pinterest
Photo from Pinterest

2. 不要每天配戴color con

color con或者大眼con呢啲經過染色處理嘅隱形眼鏡,有顏料嘅地方透氧度會比一般隱形眼鏡差。

Pinterest
Photo from Pinterest

如果用好平或者來源不明嘅隱形眼鏡,仲可能會因為佢劣質嘅成分材料,而刺激到雙眼,產生分泌物,長期接觸眼睛可能會導致過敏、乾澀等等問題,所以平時最好都係配戴一般透明款隱形眼鏡比較好!

Pinterest
Photo from Pinterest

3. 清潔很重要

配戴隱形眼鏡嘅時候一定要先洗乾淨雙手,清洗隱形眼鏡要用隱形眼鏡鏡片專用嘅清潔液,用手輕輕搓洗,再用生理食鹽水沖洗,最後再放番入有隱形眼鏡專用清潔液嘅保存盒入面。

Pinterest
Photo from Pinterest

同埋,唔可以交替用唔同廠牌嘅隱形眼鏡藥水!因為成分唔同可能會產生化學作用,生理食鹽水亦唔可以用嚟保存鏡片,因為佢無殺菌功能,咁樣會好易滋生細菌,嚴重會造成眼球感染。

4. 別把日拋當周拋用

有好多人都會慳錢或者貪方便,而將日拋隱形眼鏡當成周拋戴,但其實每樣產品嘅目的都唔一樣、厚薄又唔同,含水量都唔一樣,所以用隱形眼鏡最好都係照住醫生指示,或者包裝上嘅指示去用, 唔好等到隱形眼鏡破損先丟棄換新 ,因為細菌嘅滋生都會令眼睛受到感染。

Pinterest
Photo from Pinterest

5. 有不能戴隱形眼鏡的人

其實唔係所有人都適合戴隱形眼鏡,就例如一啲患有角膜炎、結膜炎、青光眼嘅人就唔應該戴。而一般人戴隱形眼鏡嘅時候,如果出現眼睛紅腫、強烈異物感或者疼痛等等不適症狀,都應該要立即停止配戴隱形眼鏡並且就醫, 唔好硬撐或者亂滴眼藥水 ,以免造成更糟糕嘅結果。

Pinterest
Photo from Pinterest

Pinterest
Photo from Pinterest

Text: POP-OL Editorial

Photo Source: Pinterest

Share to Facebook