還在找適合自己的美白方法!?向大S、范冰冰、楊冪等3位女星們學習美白祕技,肌膚從此又白又滑!

還在找適合自己的美白方法!?向大S、范冰冰、楊冪等3位女星們學習美白祕技,肌膚從此又白又滑!

By POP-OL on 08 Feb 2018

每個女仔都會想擁有白滑嘅肌膚,坊間有好多唔同嘅美白產品或同埋療程,不過未必適用每個人,亦都唔係每款有效。以幾位女星出咗名係美容達人,位位都擁有白裏透紅嘅肌膚令人非常羨慕,大家不妨向佢地幾位偷下師,參考下佢地嘅美白絕技啦!

范冰冰粉絲團@Weibo
Photo from 范冰冰粉絲團@Weibo

1.大S

大S好重視防曬,平時一定會搽防曬,同埋帶備防UV嘅遮~另外,佢仲會用珍珠粉幫助美白,除咗可以早晚服用,亦可以混喺面膜入面用,又或者混合潤唇膏嚟護唇。而鮮奶同豆漿都係好好嘅美白法寶,大S每日早晚都一定會飲。

大S@Weibo
Photo from 大[email protected]

大S仲有一個獨門絕招,就係用玫瑰精油浸浴,玫瑰有美白效用,浸浴嘅時候加幾滴精油,就可以起到抒壓同美白嘅功效。如果大家喺屋企無浴缸,都可以試下揀含有玫瑰成分嘅沐浴產品。

大S@Weibo
Photo from 大[email protected]

大S@Weibo
Photo from 大[email protected]

2.楊冪

楊冪每日番到屋企之後嘅護理絕對唔會怠慢,每日番到屋企之後一定會先徹底卸妝同埋清潔,比肌膚處於零負擔嘅狀態~之後會再敷面膜,佢話面膜係最方便簡單嘅美白方法,除了可以滋潤皮膚,仲可以舒緩上妝成日嘅肌膚。

楊冪@Weibo
Photo from 楊冪@Weibo

另外,楊冪都會做防曬,但佢話日常嘅防曬乳液SPF值20就已經夠,太高防曬度數嘅乳液反而會令毛孔堵塞,另外防曬要每兩個鐘補一次,唔可以朝早出門搽一次,其他時間都唔搽。

楊冪@Weibo
Photo from 楊冪@Weibo

楊冪@Weibo
Photo from 楊冪@Weibo

3.范冰冰

大家都知道范冰冰好鐘意敷面膜,佢敷面膜嘅次數好頻繁,聽講每年可以800塊面膜。不過范冰冰就話如果想日日敷面膜,就以補濕或者補水面膜為主,因為成分太滋潤、具有美白或者皮膚更生功效嘅面膜每星期最多只可以敷3次。

范冰冰粉絲團@Weibo
Photo from 范冰冰粉絲團@Weibo

如果時間唔夠,范冰冰建議可以用濕敷嘅方式去滋潤肌膚,為額頭、鼻同埋下巴等部位重點補濕。

范冰冰粉絲團@Weibo
Photo from 范冰冰粉絲團@Weibo

范冰冰話自己只會揀用成分天然嘅護膚品,因為肌膚一旦受傷害,就會更加難去修補同埋護理。佢鐘意用一啲藥妝品牌嘅美白護膚品,因為含有較少化學成分,對肌膚保護更好。

范冰冰粉絲團@Weibo
Photo from 范冰冰粉絲團@Weibo

Text: POP-OL Editorial

Photo Source: Weibo

Share to Facebook